السلام عليكم ورحمة الله وبركاته
انا حبيت أعمل المدونة دى ..... لأنى زمان كان عندى موهبة الكتابة .... وكنت بحب أكتب خواطر ..... ومكنش حد بقراها .. وكنت بجرى ورا أخوية الصغير علشان أفراهاله بالعافيه ..... وبعدين طارت منى الموهبة دى بعد الجواز والإنشغال .... وضاع كتير من أوراقى بتاعة زمان
بس بجد بعد ما بدأت أكتب فى المدونة الأولى إللى هى فرن بالكهربا ........ حسيت إن مسام دماغى بدأت تتفتح تانى .... وبدأت أحب إنى أكتب تانى
وبم إن الخواطر والكلمات طبعا هيبقى غير لائق إنى أحطها فى الفرن وأكيد هتتحرق ... قولت أعملها مدونة لوحدها وأبعدها عن الفرن مش عايزين مشاكل
وحابة أبدأ بحاجة كتبتها زمان .......... يارب تعجبكم .. بما إنى لاقيت حد ممكن يقرا إللى أنا كتبته ...... بس أوعوا تجروا زى أخويا
ورقة بفرع شجرة
أشعر وكأنى ورقة ...
ألتصق وحدى بفرع شجرة
أظل وحدى ...حتى تنبت بجوارى أخرى
فأأتنس بها , وأعيش معها من العمر فترة
فتأتى الرياح , فتسقط تلك الورقة , فأعلم أنها هشة
ما تحملت من الرياح هبة
فأعود وحدى .....وكل يوم تتكرر القصة
أتمنى ولو تصمد واحدة مرة
حتى أجد معى أحد
إن سقط يوما فرع الشجرة
أكره أنى مقيدة بالفرع ملتصقة
وإذا هبت الرياح , أمسك به , أخشى إن أصبحت حرة
ما عدت أعلم ماذا أحب وماذا أخشى...
ولكنى أعلم أنى وحدى .....مازلت وحدى
أنتظر أن تنبت بجوارى ورقة
أأتنس بها وأعيش معها من العمر ما تبقى
وتظل معى دائما فى الفرع ملتصقة
إن هبت الرياح , إن سقطت الأمطار
أو إحترقت الأزهار , أو حتى وقعت الشجرة
تظل بجانبى ....لا تتركنى ولو للحظة
والآن مازلت أنتظر.....أخشى تكرار القصة
أشعر بالوحدة ............
ليس معى إلا حلمى ..أن تنبت يوما تلك الورقة.
ألتصق وحدى بفرع شجرة
أظل وحدى ...حتى تنبت بجوارى أخرى
فأأتنس بها , وأعيش معها من العمر فترة
فتأتى الرياح , فتسقط تلك الورقة , فأعلم أنها هشة
ما تحملت من الرياح هبة
فأعود وحدى .....وكل يوم تتكرر القصة
أتمنى ولو تصمد واحدة مرة
حتى أجد معى أحد
إن سقط يوما فرع الشجرة
أكره أنى مقيدة بالفرع ملتصقة
وإذا هبت الرياح , أمسك به , أخشى إن أصبحت حرة
ما عدت أعلم ماذا أحب وماذا أخشى...
ولكنى أعلم أنى وحدى .....مازلت وحدى
أنتظر أن تنبت بجوارى ورقة
أأتنس بها وأعيش معها من العمر ما تبقى
وتظل معى دائما فى الفرع ملتصقة
إن هبت الرياح , إن سقطت الأمطار
أو إحترقت الأزهار , أو حتى وقعت الشجرة
تظل بجانبى ....لا تتركنى ولو للحظة
والآن مازلت أنتظر.....أخشى تكرار القصة
أشعر بالوحدة ............
ليس معى إلا حلمى ..أن تنبت يوما تلك الورقة.
15 التعليقات:
تحياتي
كلماتك رائعه
خواطر جميله
استمري
انا كنت هجري
بس قلت حرام هي مش هتجري ورايه
هههههههه
تحياتي ليكي
اتمني التوفيق
أنا مبسوطة أوى إنك مجريتيش .... وميرسى إنك أول تعليق .. رفعتى معنوياتى
ام بوبه
يسعدنى انك تدعينى هنا عند اوراقك الجميله
سواء كانت اوراق قديمه او جديده
اعجبتنى جدا تلك الفكره التى تحكى عن الوحده وقسوتها
انتى تناولتى موضوع الوحده بشكل مختلف وربنا وانا بقراها تخيلتنى شايفه الشجره والورقه الوحيده التى التصقت بها ورايت الاخرى التى ذهبت مع الرياح وتخيلتها فى انتظار ورقه اخرى تنمو وتحيا معها فى نفس الشجره وتلتصق معها بنفس الفرع
انتهز الفرصه بقى وادعيكى على مدونتى التانيه كتبت فيه خاطره كدا كنت كتبتها من زمان
عاوزه رايك بدون اى مجامله وبدون كلمه رائع وممتاز اوك
هههههههههههههه
مساكى شيكولاته ياام بوبه
http://www.tamr7na.blogspot.com/
دا اللينك
مبروك يا جميل
وربنا يعينك بقى على المدونتين ونقرا عندك احلى كلام
شكرا يا سكرة يا مسكرة على تعليقك الجميل ...... شجعتينى ربنا يخليكى يا جميل
بندقة الله يبارك فيكى
نورتينى
جميل انك استعدت نشاط قديم ونفضت الغبار عن موهبة كنت تخنقينها تأكدي اننا سنسعد بالقراءة لك كما فعلت انا الان وانا اكيدة مفيش حد حيجري هو حد يهرب من الجمال
تحياتي لك
ال ال ال ال
ايه الجمال دا
ايوه كدا يا جميله عايزين كل المواهب تظهر مش فى الفرن بس لا فى كل المجالات بقى
كلماتك حلوه اوى واحساسك عالى يابخته يا سيدىىىىىىى باحساسك العالى دا
بس بلاش ماساويات عايزين حاجة فرش كدا خلى المأساويات علينا احنا :(
تحياتى ليكى
خواطر شابة
كيلك زوق
أنا مبسوطة كتير إنك مجريتيش وكمان عجبك الكلام ده إللى أنا كان نفسى فيه من زمان
olive
ميرسسسسسسسسسسى على الكلام الرقيق
بس على فكرة إللى انتى بتحسديه ده على إحساسى العالى من ضمن الناس إللى بيجروا برده هههههههههه
حلوه اوى يانوءا ولمستنى اوى :(
بتتكلمى عنى ولا ايه ههههههههه..
فكرتينى بحجات:)
فاكره لما كنت بحب اقرا حجاتك اللى بتكتبيها,فاكره لما كنا بنكتب انا وانتى مع بعض على فكره لسه عندى اللى كتبناها انا وانتى لحد دلوقتى..
انا متفائله اوى بيكى وهترجعى تكتبى احسن من الاول.
اصلى اعتزلت من زماااااااان:) ومسام عقلى باه اتقفلت:)
حتى مقفوله دلوقتى.
عيشى وانطلقى فى سماء بلوجر
ميرسى يا شوشو على التشجيع
أنا مش قاصدة اتكلم عليكى بس أنا كنت كدة فى يوم من الأيام وانتى عارفة كويس
وفاكرة كل حاجة وكويس إن الورق لسه عندك
وكمان فاكرة لما كانت رشا بتضحك على إللى إحنا بنكتبه وكأننا بنزغزغها
فكره جديده وجميلة يا أم ..بوبه وتشبية غايه في الجمال تكلمتي عن الوحده بإسلوب مميز جداً وبتشبيه حقيقي رائع وغير تقليدي, وعجبني أوي الجزء ده:-
أكره أنى مقيدة بالفرع ملتصقة
وإذا هبت الرياح , أمسك به , أخشى إن أصبحت حرة
ما عدت أعلم ماذا أحب وماذا أخشى...
خلي بالك كل ما تكتبي أكتر الموهبه بتثقل والمستوي بيعلي مع الوقت ولو أهملتي الكتابة المستوي هيفضل ثابت والأفكار الحلوه هتختفي وإنتي خساره ما تكتبيش.
علي فكره عجبتني جداً جداً كلمات سيد حجاب اللي علي هامش المدونه واللي هيه كلمات أغنية التتر لمسلسل المال والبنون وكنت بحب الأغنيه دي جداً وعلي الحجار وحنان ماضي كانوا حلوين أوي في تتر البداية والنهاية وياريت تحطي كلمات تتر النهاية كمان أعتقد كانت كلماتها بتبدأ بـ (بحلم وأفتح عينيه علي جنه للإنسانيه.....) وكان بصوت حنان ماضي.
تحياتي وأتمني لكِ التوفيق والتألق الدائم
السلام عليكم
أدام الله لنا قلمك
استمري وعاودي بنفس القلم
شكرا يا أخى هيثم على تشجيعك ونظرتك العميقة للكلمات
شكرا أخى أحمد على مرورك وجزاك الله كل خير
إرسال تعليق