عذرا .. أيها الحلم المسكين
لقد اتعبنى منك هذا الأنين
ما عدت أطيق نحيبك اللعين
نعم .. يأست منك
ولكنى حاولت فيك سنين وسنين
ولم يتبق لى
إلا انينك وصوتك الحزين
فأصمت .. أيها الحلم الجنين
فلن تكبر يوما .. ولن يراك الآخرين
وحتى لا يعود إللى الحنين
فبيدى .. سألقى عليك ثرى الأيام والسنين
فلا تصرخ وتنادى .. لا ترحلين ..
و أرقد بسلام .. ودعنى أرحل ..
أيها الحلم الدفين
30 التعليقات:
من حسن حظي اني التعليق الأول ان شاء الله
كلمات رائعه جدا
أحييكي عليها
بجد زي ماقولت لك قبل كده انا شايف انك تنتمي لمدرسة فاروق جويدة الفنيه في الشعر
خصوصا اني بتخيل كلماتك وكأنها زي صوره مرسومه بريشة فنان ....... بجد بشوف الكلمات في شكل صوره !
وعجبني اوي فكرة ان فيه حوار بينك و بين الحلم بتاعك وكانه مثلا واحده صديقتك
"فلا تصرخ وتنادى .. لا ترحلين .."
دمتي مبدعه ام بوبه
خالص تقديري وتحيتي
حسبى الله هههههههههههههههههههههه.
اقولك ايه؟ حلوه اوىىىىى ياقرده,حلوه بجد,
وعيبها انها تتحس متتقريش:(
المشكله دلوقتى ان الناس هتلاقينى بضحك يقولوا ايه العبيطه دى:)
محدش هيفهم انا بضحك ليه غيرى انا وانتى:)
جامده يانوءا والله عاوزين نعمل تعاون مشترك بينا زى زمان:)
بس انتى قلم رصاص بيقولك فاروق جويده,
وانتى عارفه انا تبع نزار قبانى:)
ابدا يا حلمي
لا تصدقها
هذه الأم بوبة
أنت في صدري لن ادفنك ابدا ولن ألقي عليك ثرى الأيام والسنين
أنت فقط عصفور يمر بمرحلة بيات شتوي بداخل الصدر
لكنك متمرد مثل مالكة أمرك
ستقوم وتفرد الجناحين وتطير
ستخرج يا حلمي للنور
اقسم لك انك ستخرج
فلست أنا قليلة يقين ولا يائسة ابدا من روح الله
ستخرج وتشق السماء وستراك العيون التي طالما قالت أنك لن تخرج
سيتعجبون من قوة جناحيك وقوة صبري
اصبر يا حلم العمر
لن أدفنك
ولن تموت
لأنك أنت
.
.
.
.
أنا
روحي بقى
عيطتيني يا منتي
دي مش اخلاق
عااااااااااااااااااااااااااا
دكتورة ستيتة قالت اللي نفسي أقوله انا ايضا اضم صوتي لصوتها وأقول لن أدفنك يا حلم العمر
دمت بكل ود
كلمات رائعة ومعبرة
تمنياتي بأن تتحقق جميع أحلامك بإذن الله واتمنى ان لا تحتوي احلامك على حلم أحمق لا يتحقق!
:)
دمتي بخير
قلم رصاص
انا كدة هتغر .. يعنى مصر إنى بنتمى لمدرسة فاروق جويدة .. طيب خليها الحضانة بتاعته دلوقتى .. لحد ما نتاكد
شكرا على مرورك وتعليقاتك المشجعة
شوشو
هههههههههههههههههههه
أنا عارفة إنك إحتمال تكونى بتضحكى على إيه
بس السؤال بتضحكى على إيه ولا إيه ولا إيييه ؟
هههههههههههههه
يعنى عليا ولا عليكى ولا على مين
حد فاهم حاجة
ههههههههه
بس شوفتينى أيام ما كنت بقرطس فى النكد .. كنت أستاذة
يشرفنى طبعا نعمل عمل مشترك زى زمان
بس هنجيب رشا عبد الهادى منين تضحك على إللى هنكتبه هههههههههههههههههه
يمكن علشان المدرستين مختلفتين .. علشان كدة كانت رشا بتضحك
فاكرة رقصة المطعون بالسكين
ههههههههههههههههههههههههههههه
د .. ستيتة
إيه النور ده واخيرا ..
أنا قريت إللى كتبتيه حوالى 6 مرات
طبعا اكييييييييد عندك حق والواحد لازم يكون عنده يقين بالله ده غير التفاؤل إللى عندى منه كتير ومستعدة أصدر للخارج كمان لو حد محتاج
بس إللى انا كتبته ده مش على حلم واحد بس دول أحلام كتير
منكرش إن فى منها احلام طول ما الواحد عايش وبيتنفس المفروض ميفقدش الامل إنها هتحصل
إنما فى غيرها لازم يهمد ويندفن ويموت كمان لأنه خلاص بقى مستحيل يحصل .. وخصوصا لما تكونى بتتنازلى عنه إرضاء لله .. يبقى لازم يتنسى حتى لو كان حلم العمر
أم ...بوبه
إزيك يا حبيبتى عامله إيه
ماشاء الله عليكى ربنا يحفظك ويحميكى إيه الجمال ده كله
إنتى عارفه إن أصعب حاجه إن الانسان يفضل يحلم بحاجه سنين وبعدين في الأخر ما تتحققش
بيبقي إسمه وهم وكفايه الاسم ده بس
بس ربنا عاطينا نعم جميله زى الصبر والنسيان علشان نتغلب علي مشاكلنا
ربنا يحفظنا من المشاكل يارب
تسلمى
خواطر شابة
طبعا رأيك ورأيك الدكتورة ستيتة يحترم ولازم يتحط فى الإعتبار والمفروض الواحد ميفقدش الأمل
وانا رديت على الدكتورة ستيتة بشرح أوفى شوية ياريت تقريه
منورانى كالعادة
engeenera
منورانا يا باشمهندسة كالعادة
ربنا يباركلك يارب ويحققلك انتى كمان كل أحلامك
حلمى البعيد
بس انتى يا جميل إن شاء الله هتحققى كل أحلامك وأولهم حلمك البعيد ده ربنا يقربوا منك كمان وكمان .. ومتيأسيش أبدا سيبك من الكلام إللى انا كتباه ده
ههههههههههههههههه
دى بتبقى لحظات يأس وبتعدى
خلى عندك أمل فى الله أولا ... وإن شاء الله كله هيبقى خير سواء الحلم اتحقق أو لأ
والله يانوءا انا بحب ادخل هنا علشان عارفه ان كلامك هيلمسنى..
بس دا ميمنعش انى بضحك ضحك:)بتفكرينى بحجات فظيعه:)
وبعدين يعنى اشهد عليكى اهل بلوج سبوت يعنى؟
مالها رقصه المطعون بالسكين:)
يا اخوانا ايام مكنت بكتب يعنى قلت مره:
ارى قلبى يرقص رقصة المطعون بالسكين,
فيها حاجه دى؟؟؟
الاقى انهيار من الضحك وكل واحده تقول الرقصه دى كده ولا كده هههههههههههههههه,ولا رشا عبد الهادى جبناها من على الارض من كتر الضحك,:)
فاكره يانوءا ضحكتها بهستيريا:)
يانهارى مش قادره هموت من الضحك هههههههههههههه,,
ودى رقصه المجنونه يابابا يابا عالمجنونه:)
###إنما فى غيرها لازم يهمد ويندفن ويموت كمان لأنه خلاص بقى مستحيل يحصل .. وخصوصا لما تكونى بتتنازلى عنه إرضاء لله .. يبقى لازم يتنسى حتى لو كان حلم العمر##
الجمله دى ملهاش حل,وصح اوىىىىىىىىىىىىى لابعد الحدود.
شوشو
ضحكتينى على رشا
أنا كل اما افتكر الكلمة دى أضحك موووت على رشا مش على الكلمة
هى إللى كانت بتضحك على أى حاجة .. لو كاتبين سلامو عليكم .. اول ما بتبدأ تقرا بتسخسخ على نفسها كأن حد بيزغزغها
البت دى وحشتنى أوى .. بس كل اما اكلمها أحس إنها بقت كئيبة معدتش رشا بتاعت زمان
بالنسبة للجملة إللى علقتى عليها دى .. أكيد انتى فاهماها أوى وحساها جداا انا متاكدة .. دايما جابرة بخاطرى ومحسسانى كدة إنى أديبة عالمية
هههههههههههههههههههههه
طيب الحلم دا حاجه حلوة بالنسبالك ولا وحشه؟؟؟
وليه عايزاه يندفن ...انا مش بعرف ادفن حلمى ..
عجبانى جدااا الحته دى:
فأصمت .. أيها الحلم الجنين
فلن تكبر يوما .. ولن يراك الآخرين
احسنتى تشبيها
الله الله جميله كلاماتك اوى
بجد حلوه جدا
تسلم ايدك
محمد فؤاد
والله يا أستاذ محمد هو مش حلم واحد
هما كانوا أحلام كتير .. منها إللى أوانه فات وخلاص وعلشان يحصل لازم الزمن يرجع لورا وده مستحيل ومفضلش منه غير إحساس بإنك قاعد ومقيم فى الماضى وده طبعا بيأخر الواحد كتير فى حياته .. طول لما بيبقى عايش فى الماضى
ومنها إللى لو حاولت تحققه .. هياخد كل وقتك وحياتك إللى فى ناس مهمين كتير دلوقتى محتاجين وقتك ده وميقدروش يستغنوا عنك ولو للحظة .. فبتضظر تتجاهله وتدفنه علشان متقصرش فى حق غيرك وتأدى واجبك تجاهم
ومنها بقى إللى لازم يموت ويندفن وتودعه لآخر العمر لأنك تركته لرضى الله عز وجل ولازم تثق بالله إنه هيعوضك خير وأكيد فى التنازل عنه كل الخير ليك
فى الدنيا والآخرة
إنما مازال فى احلام كتير عايشة معايا ومقدرش أتنازل عنها وبحارب علشانها بس غالبا بتكون أحلام مشتركة وبيكون فيها ناس كتير حواليا هيستفيدوا بالحلم ده معايا .. لأن حياتى خلاص مبقتش ليا لوحدى دلوقتى ومينفعش أحلم حلم يخصنى لوحدى
على رأى عمنا سيد حجاب
لو مش هتحلم معايا مضطر أحلم بنفسى
لكنى فى الحلم حتى عمرى ما هحلم لنفسى
دا بقى حالى دلوقتى
معلش طولت فى الكلام
أميرة الأحلام
كلك ذوق يا جميل
ربنا يحققلك كل أحلامك
وأحلامك تكون واقع حواليكى
وتبقى أميرة الواقع
السلام عليكم
الحقيقة لا أحب أن أسألك عن حلمك الذي أردتِ دفنه لأني أظن هذا قد يكون فيه تعدي على خصوصياتك لكن سأقول
لا تجعلي اليأس يصل لكِ يوماً
وتذكري قول الشاعر
من مات فاستراح ليس بميتٍ .. إنما الميتُ ميت الأحياء
إنما الميت من يعيش كئيباً .. كاسفاً باله قليل الرجاء
أحمد شريف
شكرا على مرورك ومتابعتك
ولا تعدى على خصوصيات ولا حاجة
حلوين أوى البيتين إللى كتبتهم وأكيد عندك حق
بس اسمحلى أرد عليك بنفس الكلام إللى كتبته للرد على تعليق عمود نور .. لأن يبدو إنك مقرتهوش
وهقولك فيه نوعية الأحلام إللى بدفنها
وإن كان ليك وجهة نظر تانية يهمنى إنى أسمعها
___________
هما كانوا أحلام كتير .. منها إللى أوانه فات وخلاص وعلشان يحصل لازم الزمن يرجع لورا وده مستحيل ومفضلش منه غير إحساس بإنك قاعد ومقيم فى الماضى وده طبعا بيأخر الواحد كتير فى حياته .. طول لما بيبقى عايش فى الماضى
ومنها إللى لو حاولت تحققه .. هياخد كل وقتك وحياتك إللى فى ناس مهمين كتير دلوقتى محتاجين وقتك ده وميقدروش يستغنوا عنك ولو للحظة .. فبتضظر تتجاهله وتدفنه علشان متقصرش فى حق غيرك وتأدى واجبك تجاهم
ومنها بقى إللى لازم يموت ويندفن وتودعه لآخر العمر لأنك تركته لرضى الله عز وجل ولازم تثق بالله إنه هيعوضك خير وأكيد فى التنازل عنه كل الخير ليك
فى الدنيا والآخرة
إنما مازال فى احلام كتير عايشة معايا ومقدرش أتنازل عنها وبحارب علشانها بس غالبا بتكون أحلام مشتركة وبيكون فيها ناس كتير حواليا هيستفيدوا بالحلم ده معايا .. لأن حياتى خلاص مبقتش ليا لوحدى دلوقتى ومينفعش أحلم حلم يخصنى لوحدى
حلوه بجد يا أم بوبه وفيها أحاسيس مؤلمه جداً فما اصعب أن يقرر الإنسان أن يتخلي عن حلمه بل ويدفنه,كلماتك معبره جداً ومليانه إحساس عالي جداً وإن كنت ضد فكرة التخلي عن الأحلام ودفنها واليأس من تحقيقها وأري أن من لديه حلم لابد أن يتشبث به وبالأمل في تحقيقه وإن كانت الظروف غير ملائمة لتحقيقه فمن يدري فكل يوم وهو في شأن فربما تتغير الظروف وتتحقق الأحلام وأحياناً يتحقق ما يفوق الأحلام.
تحياتي لقلمك المبدع صدقاً
من يريد حلما يجري وراءه ويبحث عنه في جميع الاركان
بس المهم يكون حلم جميل بهدف
مش مجرد حلم ندفنه
:(
اول مرة اعلق عندك يكون في حلم لن يتحقق :( :(
هي الحالة مش ناقصة والله
بس تسلم ايدك يا ام بوبة
كلمات جميلة والحلم صعب عليا بصراحة :)
هيثم رمضان
شكرا على المرور وأسعدنى رأيك فى الكلمات ..
أكيد الأحلام غالية على الإنسان .. بس بجد أنا مدفنتش أى حلم غير إللى يستاهل فعلا .. مش كل الأحلام تحقيقها بيكون خير على صاحبها.. أحيانا بنحلم وبنتمنى أشياء بتضرنا فى الآخر وبنكون متخيلين إن ساعدتنا فيها
همسات ساكنة
نورتينى وكلامك اكيد صح وعندك حق
اهم حاجة إن يكون الحلم جميل وبهدف
مجرد حلم صغنتوت
حظك كدة يا جميل مع إنى كنت على طول متفاءلة .. بس انتى حلمك الصغنتوت ملوش دعوة خليكى وراه لحد ما تحققيه وتفرحى بيه إن شاء الله
شركة تنظيف مجالس بالخبر
شركة تنظيف موكيت بالخبر
شركة تنظيف سجاد بالخبر
شركة عزل اسطح بالخبر
شركة مكافحة حشرات بالخبر
شركة تسليك مجاري بالخبر
شركة المثالية للتنظيف بالخبر
شركة المثالية لتنظيف المنازل بالخبر
شركة الصفرات للتنظيف
إرسال تعليق