حنين ....

| |





 حنين يجتاحنى .. يقتحم نفسى
يحتل أرضى وسمائى 
 يحتكم أمرى
 يعطر هوائى برحيق الماضى
ويذوب بفكرى

حنينى .. لأجمل أيام عمرى

 أيام أخذت منى وأعطتنى
أخذت منى وحدتى وخوفى
هجرت فيها أحزانى وضعفى 
وأعطتنى كل آمالى وأحلامى ونفسى

فى أجمل أيام عمرى ..

كنت أرى الأمل فى كل ما حولى 
أرى أمطار الشتاء .. نسيم وأنهار تجرى
ورياح الربيع .. تدفعنى لأقصى أملى
وشمس الصيف .. تضئ روحى ولا تحرقنى
وأوراق الخريف .. تتساقط لتلاعبنى

فى أجمل أيام عمرى ..

كان الحب يسرى بقلبى وعقلى ودمى
كان الضحك يخرج من روحى لفمى
كنت أحلم فى صحوى ونومى
كانت الدموع  لا تقرب عينى 
كنت وصفا للهناء وكان الهناء اسمى

 حقا .. أجمل أيام عمرى
إنها .. أيام شباب قلبى





22 التعليقات:

Engineer A يقول...

الأيام الجميلة .. السعيدة .. دائماً ما نحبها ونشعر اتجاهها بالحنين ..

خاطرة جميلة مليئة بشباب القلب والروح :)

غير معرف يقول...

خاطره جميله جدا
أحييكي عليها

ربنا يزيدك
ـــــــــــ
توقيع:
معلوم في دنيا مجهوله

صيدلانيه طالعه نازله يقول...

ياريت ايامنا القديمه ترجع
ياريت نرجع لراحه البال اللى كانت فيها
ياريت اشوف يوم من ايامها تانى

تفتكرى لو اتمنيناها نلاقيها

ياريت

لــــ زهــــــراء ــــولا يقول...

اول زياره لنا هنا يا ام بوبه
ان شاء الله مش تكون الاخيره
اسلوبك تحفه بجد بجد
بيقولوا ان كل مرحه من مراحل عمرنا لها حلاوتها وشقاوتها وغلاوتها ايضا

كلامك اشعر فيه بروح جميله اوى
روح شابه بس نضج عالى اوى
ربنا يحفظك
دمتى بكل خير وسعاده

محمد فؤاد (صاحب عمود النور) يقول...

الله
حلو قوووووووى وكلامك فكرنى با ايام زمان وايام حلوة كتير
تسلم افكارك

morgana يقول...

الكلمات جميله كعادتك
وصورة البنوته زي القمر

هناء محمود يقول...

engeneera

شكرا على مرورك يا جميل

وربنا ما يحرمنا كلنا من نعمة السعادة والرضا ويديم علينا الأيام الحلوة

هناء محمود يقول...

معلوم فى دنيا مجهولة

حياك الله وربنا يكرمك

وشكرا على الزيارة الكريمة

هناء محمود يقول...

صيدلانية طالعة نازلة

ياريت
ياريت
ياريت

ياريت من هنا للسنة الجاية

بس حطى سؤالى على سؤالك

تفتكرى لو إتمنيناها هنلاقيها

متقلبيش عليا المواجع بقى
اصلى على أخرى عااااااااااا

هناء محمود يقول...

لولا وزهراء

نورتونى إنتوا الإتنين

أتمنى إنى أشوف تعليقاتكم دايما لأنها بجد أسعدتنى

وربنا يديم علينا أيامنا الحلوة على طول يارب

هناء محمود يقول...

محمد فؤاد

كلنا لينا أيام حلوة بنفتكرها دايما بإبتسامة وبنتمنى ترجع تانى

بس المشكلة إن إللى بيروح مبيرجعش

بس بتمنى إن يكون لينا نصيب فى أيام حلوة زيها او احلى منها ربنا قادر على كل شئ

هناء محمود يقول...

morgana

إنتى إللى منورانى كعادتك

وربنا ميحرمنيش منك يا جميل

هيثــم رمضـــان يقول...

جميلة أوي يا أم بوبه وجميلة أحاسيس الحنين والشوق للأيام الماضية وأعجبني جداً إستخدامك للطبيعة لوصف إحساسك "أمطار الشتاء,شمس الصيف,رياح الربيع,أوراق الخريف".
كلنا لدينا هذا الحنين وهذا الشوق لأيام الطفوله وأيام الصبي والشباب فكانت مليئة بالامل والاحلام الجميلة لا ضغوط لا مسئوليات ولا هموم ,ولكن لكل وقت جماله وبأيدينا أن نبحث عن سعادتنا في جميع مراحل العمر .
أسعد الله جميع أيامك أنتي وكل أحبابك

تحياتي

بسمة انور يقول...

انا كمان عندى حنين لحاجات كتير اوى
عندى حنين لنفسى

بس منملكش غير الحنين وبس

حلمى البعيد يقول...

أم ..بوبه حبيبتى

بجد البوست رائع رائع

ما شاء الله عليكى

بتقدرى تعبرى عن نفسك وإحساسك بطريقه جميله جدا

ربنا يحفقظك يارب

تحياتى

همسات ساكنه يقول...

دايما الايام الجميله بتعدي بسرعه
وعشان كده لازم نعيشها بكل ما فيها من لحظات جميله
دمتي سعيده دائما

still-searching يقول...

حلوة اوي اوي
تعبيراتها رائعة

هناء محمود يقول...

هيثم رمضان

أسفة إن ردى متأخر

بس طبعا قريت تعليق من زمان جزاك الله كل خير ديما رأيك بيدعمنى ويشجعنى

هناء محمود يقول...

بسمة أنور

كلامك صح .. حنين وبس نورتينى يا بسومة

هناء محمود يقول...

حلمى البعيد

الله يخليكى يا جميل كلامك أسعدنى كتير

هناء محمود يقول...

همسات ساكنة

ساعات الأيام الجميلة دى بنبقى مش بنعرف قيمتها إلا لما بتروح مننا

هناء محمود يقول...

لسة بدور

شكرا على الرأى الجميل أسعدنى مرورك

.