الجانب المشرق

| |





أحترم الأحزان  .. 
لأنها توقظ في الإنسان

أحب الوحدة ..
فهى صفاء للأذهان

 أقدر الخوف ..
فلولاه ما عرفت طعم الأمان

 لا أخجل من الضعف ..
 فضعف المرأة هو القوة والحنان

 لا أخشى تقلب الأحوال ..
 فهى تضفى على الحياة الألوان

 لا أكره الحرمان ..
فهو من أبواب الغفران

 أعشق النسيان 

 فهو دواء الوحدة والأحزان
والضعف والخوف 
 وتقلب الأحوال والحرمان 

 فالنسيان .. هدية الرحمن لبنى الإنسان



14 التعليقات:

صيدلانيه طالعه نازله يقول...

لا أخجل من الضعف ..
فضعف المرأة هو القوة والحنان

انا مش باخجل من ضعفى بس فى نفس الوقت باخاف منه
باخاف انى اتهاون فى حقى مره بسبب ضعفى
بخاف انى اسيب غيرى يجرحنى و اسكت بسبب ضعفى

انا مشكلتى كلها فى دنيتى للاسف ضعفى

حلمى البعيد يقول...

أم ....بوبه

وحشتينى جدااااااا متغبيش عننا كده تانى

لا أخجل من الضعف ..
فضعف المرأة هو القوة والحنان

فعلا ضعف المرأه أساسه الحب والحب في ذاته مش ضعف
والوحده والصمت ساعات بيبقوا تفكير وساعات بيبقي منع للغلط

بجد البوست رائع نفسي اعلق علي كل كلمه فيه

تسلمى يا حبيبتى

ستيته حسب الله الحمش يقول...

الله
دي فلسفة راقية
تعرفي كل حقيقة ذكرتيها
كلنا عارفينها
وعارفين الحكمة منها
بس فعلا منعرفش نعبر عنها كده

ويقولوا لكي المدونات مش مهمة
طب والرقي ده نقرأه فين؟

تسلم ايدك يا نوؤا فعلا تحفة

انا كمان بحب الوحدة
فهي صفاء للأذهان
أمان
راحة نفس

اما النسيان
فهو نعمة عظيمة لعقولنا من رب العالمين
لولاه لضربت موصلتنا العصبية من هول ما تلاقيه على مدار السنون

قلم رصاص يقول...

أحييكي أم بوبه على هذه الكلمات الراقيه والعميقة المعنى

مزيد من التميز والرقي الفكري

في امان الله

هيثــم رمضـــان يقول...

وما سُمي الإنسان إنسان إلا لنسيانه ..
فالنسيان نعمه من نعم الله سبحانه وتعالي علي بني أدم.
كلمات أكثر من رائعه أحييكي عليها.

تحياتي لقلمك المبدع

أم .. بوبه يقول...

صيدلانية طالعة نازلة

يبدو إن بينى وبينك صفات كتير مشتركة .. بس أنا حقيقى بدأت أحاول أتخلص من الصفة دى خاصة مع إللى ممكن يجرحنى أو يظلمنى ويستغل ضعفى وأدبى

ربنا يعينك على ضعفك يا جميل

أم .. بوبه يقول...

حلمى البعيد

إنتى كمان وحشتينى يا جميل

معلش أنا مقصرة فى حقك وحق الكل ومش عارفة اتابع مدوناتكم بجد أنا زعلانة بس إن شاء الله هركز كدة وأرتب أمورى وألحق كل إللى فاتنى

نورتينى يا جميل

أم .. بوبه يقول...

دكتور ستيتة

والله كفاية دخولك على المدونة وقرايتك للموضوع وإنه يعجبك حتى لو معلقتيش .. دى أنا بعتبرها شهادة فعلا إن الموضوع راقى وعلى مستوى كمان وشرف ليا والله

منورانى منورانى منورانى

وبجد الكومنت بتاعك فرق معايا كتير

أم .. بوبه يقول...

قلم رصاص

حياك الله .. وشكرا على مرورك وعلى الكومنت الراقى

أم .. بوبه يقول...

هيثم رمضان

شكرا على مرورك الدائم ومتابعتك وأتمنى اقرأ ليك موضوع قريب إن شاء الله

جزاك الله كل خير

لسه بدوّر يقول...

كلام جميل وكله في محله
أعشق النسيان
فهو دواء الوحدة والأحزان

لا أخجل من الضعف .. فضعف المرأة هو القوة والحنان

تسلم ايديكي
:)

هيثــم رمضـــان يقول...

مدونتك تستحق المتابعة لأنها فعلاً مميزة, أما عن موضوعي ففي خاطرة بعنوان لا تحزني علي مدونتي من يوم 1 مارس مش عارف قرتيها ولا لأ.


تحياتي

Engineer A يقول...

كلمات رقيقة معبرة .. صادقة وصائبة ..

سلمت أناملك عزيزتي

زهــرة نــار يقول...

اٌلســلآم عَليكم وَرحمةُ الله,

الله الله الله,, ما شاء الله اختي العزيزة
جميلة جدًا جدًا هي كلماتك أختي,,
نعم إن النسيان نعمة.. وصدقت ضعف المرأة ليس عيبا دوما
حفظك الله

والســلآم..

.